رواية شمس وسط الظلام الحلقه الاولي و الثانيه

رواية شمس وسط الظلام الحلقه الاولي و الثانيه  بقلم :- أسماء أبوشادي
______________________
تعريف بالشخصيات

شمس :- فتاة شديدة الجمال بعيون لا تستطيع تمييز لونهما
فهو يدخل به كذا لون من بينهم الأزرق ولاخضر وقليل من العسلي ( عيون تسحر )
وشعرها لونه بني دهبي يميل اإلى الاحمر
ذات بشرة بيضاء جدا و وجنتاها تكسوهما حمرة ربانية وشفايفها على رسمة قلب صغير بلون وردي قاتم
جسمها رشيق وقصيرة قليلا
تمتلك من سنوات العمر 19 سنة
في سنة تانية كلية أقتصاد وعلوم سياسية ودخلت جامعة خاصة بمنحة لأنها كانت من الاوائل في السنوية العامة على مستوى الجمهورية
وهي شخصية مرحة جدا وفي نفس الوقت رقيقة
توفت والدتها وهي تلدها ولم تراها
أما والدها فهو آب قاسي إلى حد ما
ودائما ما يتجنب ابنته شمس
على عكس أخواتها من زوجته الأخرى
____________
جميلة / صديقة شمس منذ الطفولة وفي كلية اقتصاد وعلوم سياسية لكن بجامعة القاهرة لأنها لم تحصل على منحة مثل شمس
وهي فتاة بسيطة وجميلة فعلا ( أسم على مسمى )
___________________
رودي / صديقة شمس الأخرى ولكنها معها في نفس الجامعة لأنهم اتعرفوا على بعض منذ اول يوم في الدراسة في الجامعة وهي من عيلة غنية لكن أبوها وأمها ماتوا من سنين وعايشة هي واختها اللي اكبر منها لوحدهم وبتحب شمس جدا وبتعتبرها أختها رغم الفوارق المادية اللي بينهم
_________________
مروان / ابن عم شمس وهو اقرب واحد ليها في العيلة ودايما معاها في كل حاجة وبيساعدها ويشجعها
وشمس بتعتبره سندها وكل حاجة ليها في الدنيا لأنه عوضها حائرات حنان أمها اللي مشفتهاش
مروان لديه ورشة ميكانيكا يعمل فيها في حارتهم بالمنطقة الشعبية
_____________
مهاب العدلي / شاب قوي البنية ذو جسد رياضي ضخم اإلى حد ما وشعره أسود وبشرته قمحية اللون
له قلب لا يلين ابدا
يخشاه كل من حوله
ولا احد يتجرأ أن يقف ضده
ومن يتجرأ عليه له مصير واحد وهو القتل
هو أكبر شاب في العيلة وهو اللي متحمل كل مسئولية العيلة بمساعدة عمه
وأحيانا أبوه. لكن القرار الاول والاخير لمهاب
____________________
داليا / بنت عم مهاب وهي متكبرة قليلا وجميلة جدا
وتدرس بنفس كلية شمس ورودي ولكنها أكبر منهم بسنة لأنها اعادة سنة تانية ( رسبت ) واتصاحبت على شمس ورودي من مدة قليلة بعد مشكلة بينهم( هنعرها بعدين )
____________
عمر / دكتور في الجامعة اللي شمس بتدرس فيها وهو محترم جدا وبيعتبر شمس اخته الصغيرة وبيهتم بيها جدا ويشجعها على التفوق والتميز هو شاب وسيم
___________
بقيت الشخصيات هنعرفها مع الأحداث

رواية( شمس وسط الظلام) البارت(1) بقلم :- أسماء أبوشادي
_____________________________
قبل ما ابدأ الرواية هقولكم حاجة صغيرة
كل ما الدنيا تضيق بينا أعرفه أن ربنا هيفرجها في وشنا وأن مهما كان حالنا سئ فأحنا أحسن من غيرنا. وعسى أن تكرهوا شيئا وهو خير لكم
______
في حي شعبي من احياء القاهرة وبالتحديد في بيت المصري
منزل مكون من ثلاث طوابق في كل طابق شقتان عدا عن الدور الأرضي شقة واحدة يعيش فيها عبد الحميد المصري وزوجته( مني ) و ولدان له مروان ومحمد . وله ابن ثالث عبد الرحمن وهو متزوج ولديه ابنة صغيرة ويعيش في الدور الثاني في الشقة المقابلة لعمه ( والد شمس )
عاصم ( والد شمس ) حاد الطباع يتجنب شمس دائما لأنها من زوجته الأولى وكان يحبها حبا جما. ولكنها ماتت أثناء ولادة شمس. ومن يومها وهو يتجنب شمس دائما مع اأنها تشبه والدتها في الشكل كثيرا
وتزوج بعد وفاتها بستة أشهر لأن اخوه الكبير ( عبد الحميد ) ضغط عليه واختار له اخت زوجته مني لكي يتزوجها وتدعي ( ندية ) ( زي الستات الرخمين بالظبط حتى على ولادها عادل ورحمة )

المهم نرجع للقصة
شمس نايمة في سريرها زي الملاك وشعرها مفرود حواليها بلونة الساحر
يزعج هذه الملاك رن هاتفها معلناً عن اتصال مروان ابن عمها

شمس أخدت الفون وبترد وهي نايمة بصوتها الرقيق / ألووو

مروان / يالهوي احلى ألوووو في الدنيا

شمس ابتسمت / صباح الخير يا مارو

مروان / اجمل صباح على اجمل عيون صباح السعادة يا قلب مارو
يلا صحصحي كدة عشان ننزل نشوف هنشتري إيه الدراسة هتبدأ بكرة

شمس / يا مارو قولتلك مش محتاجة حاجة والله ما انت جبتلي حاجات كتير في الترم الاولاني

مروان / اديكي قولتي الترم الاولاني وبكرة هيبدأ الترم الثانى ولازم أشتريلك هدوم جديدة عشان ماتبقيش أقل من اي حد في الجامعة بتاعتك

شمس  / ومين قالك انى اقل من اي حد عيب عليك دا انا تربيتك يا مارو

مروان / طيب اومي يا قمر جهزي نفسك عشان تنزلي تفطري

شمس / حاضر. سلام

( قامت شمس من سريرها وتوضأت وأدت فرضها وبعدها خلعت اسدال الصلاة
وقامت بأرتداء ثيابها المكونة من دريس باللون الأزرق به حزام من على الخصر أبيض ومن الأسفل به وردات باللون الأبيض
كما وضعت على رأسها حجاب الابيض لكي تخفي شعرها الساحر وتفننت في لف حجابها بطريقة حديثة )

خرجت شمس من غرفتها حيث وجدت والدها يجلس في الصالون ينتظر زوجته كي تحضر له الفطار ويذهب إلى عمله

شمس بصوت خافض / صباح الخير يا بابا

عاصم بملامح متجهمة متجاهلا صباحها/ هتخرجي أنتي ومروان دلوقتي

شمس بعد أن ابتلعت غصتها / أيوة يا بابا هنروح عشان

عاصم مقاطعا إياها / مروان قالي اتفضلي أمشي

( نزلت شمس على شقة عمها عبد الحميد حيث أنها تعيش معهم في هذه الشقة اكتر من ما تعيش في شقة والدها )

شمس / صباح الخير يا عمي

عبد الحميد بأبتسامة/ صباح النور يا بنتي

شمس / هي ماما منى في المطبخ

عبد الحميد / أيوة بتحضر الفطار. عشان تفطروا قبل ما تخرجي أنتي ومروان

شمس / طيب أروح أنا اساعدها

في المطبخ
شمس / صباح الخير يا ماما

منى بأبتسامة / صباح النور يا حبيبتي

شمس / أساعد حضرتك في إيه

منى / لأ يا ضنايا خلاص من النهاردة مافيش دخول مطبخ الدراسة هتبدأ بكرة

شمس / اديكي قولتي لسه بكرة يبقى النهاردة هساعدك عادي

منى / لأ مش كفاية الأسبوعين اللي اخدتيهم أجازة قضتيهم معايا في تنفيض الشقة وغسيل السجاد والمطبخ كمان

شمس / أومال اسيبك يعني انتي تعملي لوحدك وأنتي عندك شاحطة زيي وبعدين انا اللي قولتلك يلا نعملهم عشان لما الدراسة تبدأ عارفة انك مش هتخليني أعمل حاجة

منى / خلاص اخرجي من هنا بقى وابتداءً من النهاردة مش عايزة اشوفك في المطبخ

( خرجت شمس من المطبخ )
شمس / عمي هو مروان لسه ماخرجش من اوضته
عبد الحميد/ لأ لسه يا بنتي

مروان / أنا خرجت أهوه يا قمر

شمس / يا سلام حضرتك مصحيني أنا من بدري ولبست وخلصت وأنت لسه ماكنتش جهزت

مروان/ كنت بكوي القميص واللهي وأنتي عرفاني مكوجي فاشل

شمس بضحكة رقيقة / بس ميكانيكي اد الدنيا مافيش عربية تستعصي عليك وبعدين انا مش قولتلك لما تعوذ تلبس حاجة قولي عليها وانا اكويهالك

مروان / لا يا قمرتي الكلام ده في الإجازات فقط مش كفاية إنك حتى الإجازة بتدرسي برضوه فيها وبتشتغلي في البيت

شمس / أنا مش بدرس أنا يعني زي ما تقول كدة بكتسب معلومات أتعلم لغة
واهو كلوا بينفع يا مارو

عبد الحميد/ ايون أنا عايزك كدة اشربي من العلم يا بنتي دا العلم ده حاجة عظيمة جدا اوعى يوم تملي منه

مروان / تمل من إيه عمرها ابدا ماتمل من أنها تتعلم حاجة دي قمرتي بتعشق الكتب والدراسة وبتتعلم لغات كتير

شمس / البركة فيك مش انت اللي عملتلي واصلة واي فاي. للنت عشان استخدمه براحتي واتعلم اللي انا عايزاه
_________________
في قصر عائلة العدلي
على سفرة طويلة
تتجمع العائلة على الفطار ويترأس هذه السفره مهاب ( ذو الطبع الحاد المتسلط )

مهاب موجها حديثه لبنت عمه واخوه / ممنوع تتأخروا على الفطار تاني مفهوم

داليا ومازن / مفهوم يا أبيه

مهاب / بكرة دراستكوا هتبدأ ياريت تركذوا شوية كلامي واضح يا داليا مافيش اعادة تاني

داليا بتوتر / حاضر يا أبيه

مهاب / وأنت يا أستاذ مازن السنة دي عايز تقدير وإلا أنت الجاني على روحك

مازن / حاضر ياابيه إي أوامر تانية

مهاب ببرود / لما يبقى في هبقي أقولك

ثم وجهه حديثه لأمه / استاذة سهى ياريت نخف عن الجمعيات والندوات شوية ونركز في البيت والناس اللي في البيت

( نعم هو متحكم في كل شئ يخص العائلة كلها ولا احد يتجرأ على مخالفة كلامه )
______________
في إحدى محلات الملابس الراقية

شمس / يا مارو الطقم ده غالي أوي ومش اد كدة يعني أنت عايز تشترهولي ليه

مروان / عشان عاجبني وشايفك فيه مش مهم الفلوس

شمس / اووووف وبعدين معاك بقى يا مارو هو انت عايز تصرف كل فلوسك عليا

مروان / اخلصي بقي وبلاش لكلكة عشان كدة كدة احنا هنشتريه

شمس / ماشي يا رخم

( وبعد ما اشتروا ثياب كتير من أجل شمس ذهبوا إلى أحد الكافيهات )

مروان / فكري مش محتاجة إي حاجة

شمس / لا يا مارو مش محتاجة أي حاجة انا حتى ماكنتش محتاجة اللبس دا لأنك جبتلي في أول السنة
أنت يا مارو بتصرف عليا فلوسك كلها كدة مش هينفع

مروان/ يا بت الفلوس دي بتيجي عشان نصرفها وبعدين انا اساسا بشتغل عشانك ونفسي اشوفك حاجة كبيرة اوى
وقتها بقى هبقي أخد أنا منك فلوس

شمس دموعها نزلت وعيطت

مروان / ممكن أعرف بتعيطي ليه دلوقتي

شمس / تعبانة أوي يا مارو اوووووي اتخنقت من كل حاجة
__________________
دا يعتبر فصل تعارف على حياة الأبطال هنكمل في الفصل اللي جاي ونعرف ايه سبب عياط شمس ونشوف حياة الجامعة
وهنتفق اتفاق كل ما تتفاعلوا كتير انزل أنا اكتر
شجعوني ونخلصها بسرعة

رواية( شمس وسط الظلام) البارت(2) بقلم:- أسماء أبوشادي
____________________________
البارت اللي فات خلص لما شمس كانت بتعيط ومروان معاها

شمس / تعبت من معاملة ابوية بجد نفسي اعرف هو ليه بيعاملني كدة. أنا والله مابعملش حاجة تزعله
دا انا بنجح وبطلع الأولى دايما ولا مرة سمعت منه كلمة مبروك حتى لما طلعت الأولى على الجامعة السنة اللي فاتت واخدت جايزة مالية كبيرة. رفض ياخدها مني وحتى رفض يروح معايا التكريم
ولا مرة قالي إي حاجة ولا اي كلمة حلوة منه تشجعني نفسي يفتخر بيا

مروان قرب على شمس ومسح دموعها / هو بيفتخر بيكي بس ما بيعملش كدة ادامك عشان حضرتك ماتتغريش
وبعدين مش أنا بشجعك عايزة ايه تاني ولا تشجيعي مش مكفيكي

شمس / لا مكفيني طبعا دا انا بقيت أحس أنك أنت اللي أبوية مش هو أما هو أنا قربت أكرهه

مروان / لا يا شمس دا ابوكي اوعى تقولي كدة. أبدا لأن حرام عليكي ربنا قال ولا تقل لهما افا
ومعنى انك تقولي بكره ابوية تبقى بترتكبي ذنب فى حق ربنا
( ثم قال بمرح ) وبعدين انتي بتقولي كدة عشان هتعرفي نتيجتك بكرة وشكلك كدة اتنازلتي عن منصب الأولى على الجامعة الترم ده صح يا قمرتي

شمس نسيت إنها كانت بتعيط / لا طبعا انا عمري ما اتنازل عن تميزي ومركزي الأول

مروان / ايون كدة هي دي قمرتي اللي هتفضل دايما متميزة وناجحة عشان تحقق حلم مارو
( شمس ومروان رجعوا على البيت بالليل بعد ما اتفسحوا شوية واكلوا برة وشمس طلعت شقتهم وكالعادة أبوها ما اهتمش )
بالليل شمس على السرير عشان هتنام بس صاحبتها أتصلت بيها
شمس / قلبي وحشتيني
جميلة / كدابة لو كنت وحشتك كنتي كلمتيني إنما انتي نفضتيلي النهاردة

شمس / عيب عليكي أنا انفضلك تعرفى عني كدة بردو

جميلة/ أومال حضرتك ما اتصلتيش ليه مش الأخ مروان عاملك باقة رصيد ونت في الفون

شمس / ههههههههههههه هتولعي أنتي أنا عارفة. أنا ما اتصلتش عشان كنا بنشتري لبس أنا ومروان يا اختي وقضينا اليوم برة

جميلة / امممممممممم اصيل يا ابو رحاب من يومك طيب كنتي قوليلي وخديني معاكوا

شمس / هههههههههههه على اساس اني لو قولتلك كنتي هتيجي

جميلة / خلاص يا اختي المهم هنمشي مع بعض الصبح ولا ايه

شمس / لا مروان هيوصلني الصبح ما انتي عارفة أول يوم دراسة لازم يكون معايا

جميلة / يا بنتي اكبري بقى دا العيال اللي في ابتدائي مابيعملوش زيك كده

شمس / أنا بقى بعمل كدة وهفضل أعمل كدة لاخر سنة في الدراسة واتفضلي بقى عشان عايزة أنام
___________________
في قصر العدلي
مهاب بملامح متجهمة / يعني ايه خرجت من الصبح ولسه ماجتش

مازن / يا ابيه هي بتشتري هدوم عشان الجامعة بكرة

مهاب بصوت عالي/ اتصل بيها فورا خليها تيجي دلوقتي
______________
في النادي
داليا / اخيرا الدراسة هتبدأ بكرة وهنروح الجامعة

صاحبة داليا / إيه يا دولي دا حتى الاجازة خلصت بسرعة أوي وملحقناش نستمتع بيها

داليا / أنا عايزاها تخلص بسرعة عشان أشوف عمر

صاحبة داليا / ههههههههههههه اااه سوري أنا كنت ناسية والله دكتور عمر اللي أنتي مهووسة بيه دا

داليا سرحت / أيوة أنا فعلا مهووسة بيه وحشني أوي ماي هارت

( في اللحظة دي مازن أتصل بداليا )
داليا / ألووووووو مزون
مازن / داليا تعالى على البيت دلوقتي
داليا / إيه يا مزون انا قولتلك هسهر النهاردة في النادي مع صحابي
مهاب بصوت يرعب / 10 دقايق وتكوني ادامي
داليا اترعبت فعلا / إ ا ا بيه مهاب. أنا ج جاية

صاحبة داليا / في ايه يا دولي مالك

داليا قامت بسرعة /سوري لازم أمشي دلوقتي بااااااااي
_____________في القصر
مهاب بصوت عالي / أنت كنت عارف انها هتأخر برة.
مازن بتوتر / يا أبيه دي في النادي

مهاب بنفس اللهجة / ولما هي في النادي أنت كذبت ليه وقولت دي بتشتري حاجات

مازن / ماهي فعلا كانت بتشتري حاجات وبعدين راحت على النادي وقالتلي هقعد شوية مع صحابي وهاجي

مهاب / لا والله وحضرتك وافقت ان هي تفضل برة للساعة 11 بالليل عادي كدة لو ماكنتش أنا رجعت بدري النهاردة ماكنتش عرفت. يا تري كل يوم على كدة ولا إيه

مازن / لا والله أبدا دا هو النهاردة بس

( داليا وصلت وأول ما مهاب شافها صب عليها كل غضبه ومنعها بعد كدة تخرج لوحدها وخصص ليها سواق هو اللي يوصلها الجامعة كل يوم وطبعا ماحدش قدر يعترض أبدا حتى أبوها واللي هو عم مهاب شجعوا على قراره )
_________________
أشرقت الشمس في سماء القاهرة
في بيت المصري
استيقظت شمس وادت فرضها وارتدت ملابسها ( بنطلون جينس أزرق وفيست أصفر به خطوط زرقاء رقيقة وطرحة زرقاء وضعتها بطريقة عصرية وشيك )
خرجت شمس من غرفتها الساعة 8 صباحا وجدت زوجة أبيها جالسة

شمس بلهجة عادية / صباح الخير

زوجة أبوها بلهجة عادية/ صباح النور إيه هتمشي دلوقتي

شمس / أيوة هو بابا نزل

زوجة أبوها / أيوة نزل من نص ساعة وأخد أختك يوصلها في طريقه وسابلك ال 50 جنيه دي تصرفي منها

شمس أخدت الفلوس ونزلت. وهي زعلانة لأن أبوها نزل وبيوصل أختها مع انه عمره ما عمل كدة معاها

وكان مارو مستنيها تحت علشان يفطروا سوى وبعد كدة يوصلها الجامعة

وبعد ما خلصوا خرجوا أدام البيت

شمس بدهشة / إيه دا أنت هتوصلني بالعربية دي يا مارووو

مروان / أيوة يا قمرتي هوصلك بيها كانت بتتصلح عندي في الورشة هوصلك وبعدين اوديها لصاحبها

شمس / دي جميلة اوى عقبال يارب مايبقي عندك واحدة زيها واجمل منها

مروان / لا أنا مش هجيب لنفسي عربية قبل ما اجيبلك أنتي الأول

شمس / ههههههههههههه لا طبعا وأنا هعمل ايه بيها انا عايزاك أنت تجيب عشان نخرج بيها سوى علطول

( ركبوا ومروان وصل شمس الجامعة )

مروان / خلي بالك من نفسك ولو حد ضايقك أو إي حاجة حصلت كلميني

شمس بأبتسامة / حاضر

شمس دخلت الجامعة وهي مبسوطة جدا إنها هتشوف رودي لانهم ما اتقابلوش من اخر يوم امتحان
واتصلت بيها عشان يتقابلوا
رودي / ماي هارت أنتي فين
شمس / أنا هنا يا قلبي أهوه أنتي اللي فين
( في اللحظة دي شافوا بعض )

رودي جريت على شمس / شووووووووووسيييييييييي

شمس بأبتسامة / قلب شوسي وحشتيني مووووووووت

رودي / أنا حاسة أنهم كانوا سنتين مش أسبوعين
شمس / ومين سمعك أنا كمان والله حاسة بكدة كنت هتجنن وأنتي بعيد

رودي / أنا بقى كنت كل يوم ابص لمنظر البحر وقت الغروب كدة واكلمك عشان احس انك ادامي

شمس بأستغراب / أزاي ده بقى
رودي وهي بتبص في عيون شمس/ لأن المنظر ده بالظبط زي لون عينيكي بالظبط

شمس بمرح / ههههههههههههه بت أنتي بتعاكسيني

رودي / ههههههههههههه هو في حد يا أختي بيشوفك ومش بيعاكسك دا انتي مجننة شباب الجامعة كلهم

شمس / طيب يلا يا اختي على المحاضرة بدل ما نتأخر في اول محاضرة وأول يوم

( شمس ورودي دخلوا المحاضرة سوى وقعدوا جنب بعض. والطلاب ابتدوا يحضروا ويزخلوا المدرج وشوية والدكتور دخل
وشمس ورودي أتصدموا )

رودي بصدمة / إيه دا
__________